ກາແດງລາວມອບເງິນກວ່າ 1 ຕື້ກີບໃຫ້ແກ່ຄອບຄົວຜູ້ປະສົບໄພນ້ຳຖ້ວມ
(ຂປລ) ໃນອາທິດແລ້ວນີ້ ອົງການກາແດງລາວໄດ້ມອບເງິນຊ່ວຍເຫຼືອບັນເທົາທຸກກວ່າ 1.04 ຕື້ກີບໃຫ້ແກ່ຄອບຄົວຜູ້ປະສົບໄພນ້ຳຖ້ວມກວ່າ 1,400 ຄອບຄົວ ໃນ 9 ບ້ານຂອງເມືອງສະໜາມໄຊ ແຂວງອັດຕະປື.
ເມືອງສະໜາມໄຊໄດ້ປະສົບໄພນ້ຳຖ້ວມຢ່າງໜັກ ເນື່ອງຈາກສັນເຂື່ອນເຊປຽນ-ເຊນ້ຳນ້ອຍແຕກໃນທ້າຍເດືອນກໍລະກົດປີກາຍນີ້. ໄພນ້ຳຖ້ວມດັ່ງກ່າວເຮັດໃຫ້ມີຜູ້ເສຍຊີວິດກວ່າ 40 ຄົນ ແລະອີກຫຼາຍສິບຄົນຍັງຄົງສູນຫາຍ.
ຂປລ
